Month: December 2024

(ស្វាយរៀង) ៖ ជនជាតិវៀតណាមចំនួនជិត ៣០នាក់ ត្រូវបានបណ្តេញចេញពីព្រះរាជាណចក្រកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិបាវិត នៅថ្ងៃ ទី៣០ ខែធ្នូ ឆ្នាំ២០២៤នេះ។ យោងតាមលោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ បានណែនាំឱ្យនាយកដ្ឋានស៊ើបអង្កេត និងអនុវត្តនីតិវិធី និងធ្វើការបណ្តេញជនជាតិវៀតណាមសរុបចំនួន ២៥នាក់ (ស្រី ២នាក់) ចេញពីព្រះរាជាណាចក្រកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិបាវិត ខេត្តស្វាយរៀង។ ប្រភពបានឱ្យដឹងថា ពាក់ព័ន្ធករណីបណ្តេញជនជាតិវៀតណាមទាំង ២៤នាក់ខាងលើ គឺសមត្ថកិច្ចជំនាញបានឃាត់នាពេលកន្លងមក ខណៈដែលជនជាតិវៀតទាំងនោះ លួចស្នាក់នៅធ្វើការងារខុសច្បាប់ និងគ្មានលិខិតឆ្លងដែន។ ដោយក្នុងនោះ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានទទួលពីស្នងការដ្ឋាននគរបាលខេត្តស្វាយរៀង នៃអគ្គស្នងការដ្ឋាននគរបាលជាតិដើម្បីបញ្ជួនទៅប្រទេសកំណើតវិញ៕

(ភ្នំពេញ)៖ ដោយមានការអនុញ្ញាតពីលោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី៣០ ខែធ្នូ ឆ្នាំ២០២៤ លោកវរសេនីយ៍ឯក ហុង ពិសិដ្ឋ អធិការនគរបាលខណ្ឌកំបូល បានធ្វើសន្និសីទសារព័ត៌មាន បង្ហាញមុខក្មេងទំនើងមួយក្រុមចំនួន៧នាក់ ដែលត្រូវបានចាប់ខ្លួនក្នុងចំណោមបក្ខពួក៨នាក់ ក្រោយពួកគេកាប់បំផ្លាញម៉ូតូអ្នកដទៃ កាលពីថ្ងៃទី២៧ ខែធ្នូ ឆ្នាំ២០២៤ នៅចំណុចហាងកាហ្វេយីហោ (520) ស្ថិតក្នុងភូមិកំបូល សង្កាត់កំបូល ខណ្ឌកំបូល។ ក្មេងទំនើងទាំង៧នាក់ ដែលត្រូវបានបង្ហាញមុខជាសាធារណៈមុនបញ្ជូនទៅសាលាដំបូងរាជធានីភ្នំពេញ រួមមាន ទី១៖ឈ្មោះ តែម ហាក់ហួរ អាយុ១៨ឆ្នាំ (ជាអ្នកកាប់) ទី២៖ឈ្មោះ លន់ អូននិ ហៅលិ អាយុ១៨ឆ្នាំ ទី៣៖ឈ្មោះ ហូយ លីហួរ អាយុ១៩ឆ្នាំ ទី៤៖ឈ្មោះ ហូយ លីហ័ង អាយុ១៨ឆ្នាំ ទី៥៖ឈ្មោះ ប៊ុនរី បូរី អាយុ១៨ឆ្នាំ ទី៦៖ឈ្មោះ ភាព សោភ័ណ្ឌ អាយុ១៨ឆ្នាំ ទី៧៖ឈ្មោះ […]

(កំពង់ឆ្នាំង) ៖ អធិការស្រុកជលគីរី ខេត្តកំពង់ឆ្នាំង ដែលទើបនឹងតែងតាំងជាអធិការនគរបាលស្រុក បានចងកធ្វើអត្តឃាតសម្លាប់ខ្លួនដោយមិនដឹងពីមូលហេតុ ដែលករណីនេះធ្វើឱ្យមានការភ្ញាក់ផ្អើលដល់ប្រជាពលរដ្ឋ នៅក្នុងមូលដ្ឋានទាំងព្រឹក ។ ហេតុការណ៍នេះ បានកើតឡើង នៅវេលាម៉ោង ៨ព្រឹក ថ្ងៃទី៣០ ខែធ្នូ ឆ្នាំ២០២៤ នៅចំណុចភ្នំដង ស្ថិតនៅក្រោយភូមិព្រៃគ្រីជើង ឃុំព្រៃគ្រី ស្រុកជលគីរី ខេត្តកំពង់ឆ្នាំង ។ ជនរងគ្រោះដែលបានធ្វើអត្តឃាតចងកសម្លាប់ខ្លួនខាងលើនេះមានឈ្មោះ ណែម សេត អាយុ ៥៤ឆ្នាំ ទើបតែងតាំងតំណែងជាអធិការនគរបាលស្រុកជលគីរី លោកអធិការរូបនេះមានទីលំនៅក្នុងភូមិឃុំកើតហេតុខាងលើ ។ បើតាមការរៀបរាប់ពីក្រុមគ្រួសារ លោក ណែម សេត មិនដែលមានបញ្ហាអ្វីនៅក្នុងគ្រួសារនោះឡើយ ហើយរូបគាត់ក៏គ្មានជំងឺប្រចាំកាយអ្វីដែរ ។ គ្រួសារថា អាចមានបត្តិអ្វីមួយ តែលោកមិនដែលប្រាប់ដល់ក្រុមគ្រួសារឱ្យដឹងនោះទេកន្លងមកនេះ ។ សមត្ថកិច្ចនគរបាលព្រហ្មទណ្ឌបច្ចេកទេសផ្នែកកោសល្យវិច្ច័យ នៃស្នងការដ្ឋាននគរបាលខេត្ត នៅព្រឹកថ្ងៃទី៣០ ខែធ្នូ បានចុះទៅពិនិត្យសាកសពនៅកន្លែងកើតហេតុ និងបានបញ្ជាក់ថា អធិការស្រុករូបនេះ គឺពិតជាស្លាប់ដោយការចងកធ្វើអត្តឃាតដោយខ្លួនឯងពិតមែន ។ ក្រោយពិនិត្យកោសល្យវិច័យរួច សមត្ថកិច្ចក៏បានប្រគល់សពទៅក្រុមគ្រួសារយកចាត់ចែងធ្វើបុណ្យនៅឯគេហដ្ឋានផងដែរ ៕

(ស្វាយរៀង) ៖ កាលពីថ្ងៃទី២៧ ខែធ្នូ ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌបានទទួលបណ្តឹងករណីចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស នៅចំណុចសង្កាត់បាវិត ក្រុងបាវិត ខេត្តស្វាយរៀង ទៅលើជនរងគ្រោះឈ្មោះ CHEN YITONG ភេទប្រុស អាយុ ២៥ឆ្នាំ ជនជាតិចិន បង្កឡើងដោយជនមិនស្គាល់អត្តសញ្ញាណមួយក្រុម ជិះរថយន្តម៉ាកស្តារិច ពណ៌ស មិនស្គាលផ្លាកលេខ ។ ក្រោយពីទទួលបានពាក្យបណ្តឹងខាងលើ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, កម្លាំងនាយកដ្ឋាននគរនាយកដ្ឋាន ដឹកនាំដោយលោកឧត្តមសេនីយ៍ទោ ប៉ុល រតនា, ឧត្តមសេនីយ៍ត្រី ហ៊ុន មុន្នីរ័ត្ន, វរសេនីយ៍ឯក ហែម បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានដឹកនាំសហការជាមួយកម្លាំងជំនាញស្នងដ្ឋាននគរបាលខេត្តស្វាយរៀង ចុះទៅដល់ទីតាំងកើតហេតុ ដើម្បីធ្វើការស្រាវជ្រាវ និងស៊ើបអង្កេតករណីខាងលើ ។ លុះថ្ងៃទី២៩ ខែធ្នូ ឆ្នាំ២០២៤ វេលាម៉ោង ១២៖០០នាទីថ្ងៃត្រង់ កម្លាំងជំនាញ បានស្រាវជ្រាវរកឃើញជនរងគ្រោះខាងលើ ត្រូវបានក្រុមជនសង្ស័យបង្ខាំងចាក់សោរទុកនៅក្នុងផ្ទះជួលមួយកន្លែង […]

(ព្រៃវែង) ៖ កម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ កាលពីរសៀលថ្ងៃទី២៧ ខែធ្នូ ឆ្នាំ២០២៤ បានដេញឡានសង្ស័យជាក្រុមចាប់ជំរិតដែលបង្កដោយជនជាតិចិនចេញពីក្រុងបាវិត ខេត្តស្វាយរៀង ហើយពេលមកដល់ផ្លូវជាតិលេខ១ ចំណុចកអណ្តើក ស្រុកកំពង់ត្របែក ខេត្តព្រៃវែង ក៏ឈានដល់ការផ្ទុះអាវុធបណ្តាលឲ្យផ្លាតត្រូវបុរសម្នាក់នៅក្បែរកន្លើតហេតុរងរបួស។ សេចក្តីរាយការណ៍ពីកន្លែងកើតហេតុ បានឲ្យដឹងថា ពេលមកដល់ចំណុចកើតហេតុនោះ និងក្រោយទទួលបានព័ត៌មានថា រថយន្តស្តារិចខាងលើនេះជារថយនុ្តក្រុមជនល្មើស, កម្លាំងនគរបាលនាយកដ្ឋានព្រហ្មទណ្ឌ បានកាក់ ពីមុខពីក្រោយ តែរថយន្តរបស់ជនរងគ្រោះមិនព្រមឈប់ក៏បើកគេច ស្រាប់តែនគរបាលដែលជិះឡានកាក់ខាងក្រោយ ចុះពីឡានបាញ់ចូលរថយន្តជនរងគ្រោះ បណ្តាលឲ្យគ្រាប់កាំភ្លើងធ្លាយចំបុរស ដែលនៅក្បែរកន្លែង បណ្តាលឲ្យរងរបួស។ សម្រាប់ករណីនេះ ត្រូវបានគេចែកចាយព្រោងព្រាតនៅតាមបណ្តាញសង្គម ដោយរិះគន់នគរបាលខ្លាំងៗថា បានបាញ់ច្រឡំទៅលើរថយន្តរបស់ជនរងគ្រោះ ដែលមានគ្នាចំនួន៥នាក់ និងកំពុងអ្នកជំងឺមកពេទ្យនៅភ្នំពេញ។ មន្រ្តីនគរបាលជាន់ខ្ពស់ បានបញ្ជាក់ថា សម្រាប់ប្រតិបត្តិការនេះ កម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ បានដេញរថយន្តមួយគ្រឿងសង្ស័យជាក្រុមចាប់ជំរិតបង្កដោយជនជាតិចិន ពីក្រុងបាវិត ខេត្តស្វាយរៀង ហើយមកដល់ចំណុចកើតហេតុ ក៏ទទួលបានព័ត៌មានថារថយន្តមួយគ្រឿងនេះជារបស់ជនល្មើស ទើបកម្លាំងដេញកាក់មុខក្រោយ តែអ្នកបើករថយន្តមិនព្រម ហើយបើកគេច និងបុករថយន្តសមត្ថកិច្ច ទើបនគរបាលនៅក្នុង រថយន្តដែលកាក់ពីក្រោយ ចុះពីលើរថយន្តបាញ់តែម្តង ហើយគ្រាប់គាំភ្លើងបានធ្លុះទៅចំបុរសម្នាក់នៅក្បែរកន្លែងកើតហេតុបណ្តាលឲ្យរងរបួស។ ក្រោយកើតហេតុភ្លាមៗ ជនរងគ្រោះត្រូវបានបញ្ជូនទៅកាន់មន្ទីរពេទ្យ ដើម្បីជួយសង្គ្រោះ […]

(កំពង់ស្ពឺ) ៖ ស្ត្រីម្នាក់ដែលគេស្គាល់ថា ជាម្ចាស់ហាងខារ៉ាអូខេយីហោ (បុប្ផាទិព្វ) ត្រូវបានកម្លាំងអាវុធហត្ថចាប់ខ្លួនបញ្ជូនទៅតុលាការ ក្រោយសង្ស័យថា បានចែកចាយ និងជួញដូរគ្រឿងញៀនយ៉ាងសកម្មនៅក្នុងភូមិសាស្ត្រ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ បានឱ្យដឹងនៅថ្ងៃទី២៨ ខែធ្នូ ឆ្នាំ២០២៤ ថា ដោយមានការសម្របសម្រួលពីលោក ទិន សុចិត្រា ព្រះរាជអាជ្ញារងអមសាលាដំបូងខេត្តកំពង់ស្ពឺ នៅវេលាម៉ោង ១៦៖០០នាទី ថ្ងៃទី២៧ ខែធ្នូ ឆ្នាំ២០២៤ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពង់ស្ពឺ ដឹកនាំដោយលោកវរសេនីយ៍ទោ ណុល ដារ៉ា សហការជាមួយកម្លាំងមូលដ្ឋានកងរាជអាវុធហត្ថស្រុកភ្នំស្រួច បានបើកប្រតិបត្តិការឆែកឆេរទីតាំងខារ៉ាអូខេមួយកន្លែង យីហោ បុប្ផាទិព្វ ដែលសង្ស័យថា ជាទីតាំងចែកចាយ និងជួញដូរគ្រឿងញៀនយ៉ាងសកម្មកន្លងមក ។ មេបញ្ជាការអាវុធហត្ថខេត្ត បានបញ្ជាក់ថា នៅក្នុងរង្វង់ប្រតិបត្តិការនោះ សមត្ថកិច្ចបានឃាត់ខ្លួនស្ត្រីម្នាក់ឈ្មោះ នាង គន្ធា ភេទស្រី អាយុ ៤២ឆ្នាំ មានទីលំនៅភូមិ៤ ឃុំត្រែងត្រយឹង ស្រុកភ្នំស្រួច […]

(កំពង់ធំ)៖ កម្លាំងស្នងការនគរបាលខេត្តកំពង់ធំ បានចាប់ខ្លួនក្មេងទំនើងបាន៥នាក់ និងបន្តតាមចាប់បក្សពួក ៥នាក់ទៀត ដែលកំពុងរត់គេចខ្លួននៅឃុំបឹងល្វា ស្រុកសន្ទុក ខេត្តកំពង់ធំ បន្ទាប់ពីដេញកាប់គេ។ នេះគឺជាការអនុវត្តតាមបទបញ្ជាក្តៅ របស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ ឧត្តមសេនីយ៍ទោ ហេង សុផល ស្នងការនគរបាលខេត្ត បានឲ្យដឹងថា វេលាម៉ោង១៦៖៣០នាទី នៅភូមិថ្មសំលៀង ឃុំក្រយា ស្រុកសន្ទុកខេត្តកំពង់ធំ នាថ្ងៃទី២៦ ខែធ្នូ ឆ្នាំ២០២៤ មានក្រុមក្មេងទំនើងចំនួន១០នាក់ បានមានទំនាស់ពាក្យសម្តីគ្នាជាមួយឈ្មោះ ហេង ទ្រី ភេទប្រុស អាយុ ១៤ ឆ្នាំ នៅភូមិបាក់ស្នាក្រោម ឃុំបាក់ស្នា ស្រុកបារាយណ៍ នៅកន្លែងតារាងបាល់ទះ ឯសាលារៀនបាក់ស្នា។ បន្ទាប់មានទំនាស់រួចមក ឈ្មោះ ហេង ទ្រី បានជិះម៉ូតូរត់ ចំណែកក្រុមក្មេងទំនើងទាំង ១០នាក់ បានជិះម៉ូតូតាមដោយមានអាវុធ (កាំបិតបាំងតោ និងដាវ ដេញកាប់ ឈ្មោះ ហេង ទ្រី ដែលជិះម៉ូតូម៉ាក ស្កុបពី […]

(ស្វាយរៀង) ៖ បុរស​ម្នាក់ មានមុខរបរជាមន្រ្តីឥណទាន ត្រូវបានសមត្ថកិច្ចខេត្តស្វាយរៀង ស្រាវជ្រាវ និងធ្វើការឃាត់ខ្លួន ក្រោយពីធ្វើសកម្មភាពវាយនារីជាមនុស្សគម្នាក់ស្លាប់ ទម្លាក់ចូលប្រឡាយទឹក បង្កការភ្ញាក់ផ្អើលដល់ពលរដ្ឋ និងសមត្ថកិច្ចចុះមកធ្វើការពិនិត្យ ។ ប្រភពពីសមត្ថកិច្ច បានឱ្យដឹងថា ករណីខាងលើកើតឡើងកាលពីថ្ងៃទី២៣ ខែធ្នូ ឆ្នាំ២០២៤ វេលាម៉ោង ០៨៖៣០នាទី បន្ទាប់ពីប៉ុស្តិ៍នគរបាលរដ្ឋបាលសំបួរ បានទទួលព័ត៌មានពីឈ្មោះ ពិន ណាក់ ភេទប្រុស អាយុ ៥៥ឆ្នាំ មុខរបរមេភូមិ បានរាយការណ៍មកថា មានករណីមនុស្សដេកស្លាប់ក្នុងទឹកប្រឡាយ ស្ថិតក្នុងភូមិព្រៃទទឹង ស្រុកស្វាយទាប ខេត្តស្វាយរៀង រួចមក លោកអធិការនគរបាលស្រុក បានបញ្ជាឱ្យកម្លាំងជំនាញស្រុក សហការជាមួយកម្លាំងប៉ុស្តិ៍ ចុះហ៊ុមព័ទ្ធកន្លែងកើតហេតុ ដើម្បីរង់ចាំសមត្ថកិច្ចជំនាញខេត្ត និងគ្រូពេទ្យធ្វើកោសល្យវិច័យ លុះមកដល់ម៉ោង ១០៖៣០នាទី ដោយមានការចង្អុលដឹកនាំពី លោកឧត្តមសេនីយ៍ទោ ស្នងការនគរបាលខេត្ត លោកវរសេនីយ៍ឯក គឹម ឡៃ ស្នងការរងទទួលផែនការងារនគរបាលព្រហ្មទណ្ឌ បានចាត់តាំងកម្លាំងជំនាញការិយាល័យនគរបាលបច្ចេកទេស និងវិទ្យាសាស្ត្រ កម្លាំងជំនាញការិយាល័យនគរបាលព្រហ្មទណ្ឌកម្រិតធ្ងន់ និងលោកវេជ្ជបណ្ឌិត សឿ សុទិតកក្កដា គ្រូពេទ្យកោសល្យវិច័យ […]

(កំពង់ស្ពឺ) ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា នៅថ្ងៃទី២៧ ខែធ្នូ ឆ្នាំ២០២៤ កម្លាំងស្នងការដ្ឋាននគរបាលខេត្តកំពង់ស្ពឺ បានបើកប្រតិបត្តិការបង្ក្រាបក្រុមក្មេងទំនើង ប្រដាប់ដោយកាំបិតផ្គាក់ ចំនួន ៥នាក់ នៅស្រុកភ្នំស្រួច ដែលរត់ដេញកាប់ប្រហារគ្នា ។ បន្ទាប់ពីឃើញវីដេអូរត់ដេញកាប់គ្នានៅតាមបណ្ដាញសង្គ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ បានបញ្ជាកម្លាំងអធិការដ្ឋាននគរបាលស្រុកភ្នំស្រួច ដឹកនាំដោយលោកវរសេនីយ៍ទោ ជុន ចន្ទដេត អធិការនគរបាលស្រុក ដើម្បីស្រាវជ្រាវបង្ក្រាប ។ ជាលទ្ធផល កម្លាំងជំនាញបានចាប់ខ្លួនក្រុមក្មេងទំនើង ចំនួន ៥នាក់ ហើយបានសារភាព​ពួកគេ​ថ​តវីដេអូ​ខ្លីៗ​រួចបង្ហោះតាមបណ្ដា​ញសង្គម​ TikTok ចែកចាយ​ដ​ល់​ក្រុមសមា​ស​ភាពផ្សេង​ទៀ​តឱ្យដឹងថា ក្រុមខ្លួនមានអាវុធ​ និងចង់បង្អួតដល់ដៃគូរផងដែរ​ក្នុងការត្រៀ​ម​ប្រយុទ្ធក្នុងកាលៈទេ​សៈណាមួយនៅពេលក្រោយ ។ ចំពោះវីដេអូខាងលើនេះ ថត និងបាន​បង្ហោះកាលពីថ្ងៃ​ទី២០ ខែធ្នូ ឆ្នាំ២០​២​​៤​ និងដកហូតវត្ថុតាង​ជាក់ស្ដែង​រួមមាន​ ទូរសព្ទដៃ ១គ្រឿង ម៉ាក​ iP​h​one 11​ ពណ៌ខ្មៅ​, កាំបិតផ្គាក់​ ១​ដើម, ម៉ូតូ […]

(បាត់ដំបង) ៖ កម្លាំងការិយាល័យនគរបាលប្រឆាំងបទល្មើសសេដ្ឋកិច្ច សហការជាមួយកម្លាំងគណៈបញ្ជាការឯកភាពរដ្ឋបាលស្រុកឯកភ្នំ កម្លាំងយោធភូមិភាគទី៥ និងកម្លាំងមន្ទីរអធិការកិច្ច សរុប ៤៥នាក់ កាណូត​ស្មាច់ ១២គ្រឿង បានចុះធ្វើការពិនិត្យ ស្រាវជ្រាវ និងបង្ក្រាបបទល្មើ​សនេសាទ នៅក្នុងភូមិសាស្ត្រស្រុកឯកភ្នំ ខេត្តបាត់ដំបង ។ កិច្ចប្រតិបត្តិការខាងលើនេះ បានធ្វើឡើង នៅថ្ងៃទី២៦ ខែធ្នូ ឆ្នាំ២០២៤ នៅចំណុចទីតាំងបីផ្សេងគ្នា ក្នុងតំបន់អភិរក្សអតីតឡូតិ៍នេសាទលេខ​២ ស្ថិតក្នុងភូមិសាស្ត្រឃុំកោះជីវាំង ស្រុកឯកភ្នំ ខេត្តបាត់ដំបង រួមមាន៖ *ទីតាំងទី១ នៅចំណុចបឹងប្រា ដែលជាលទ្ធផលមន្ត្រីជំនាញរឹបអូសបានសាច់មង ប្រវែង ៣.៥០០ម៉ែត្រ ឡុក ៤គ្រឿង និងលែងត្រីចូលបឹងធម្មជាតិ ចំនួន ២.០០០គីឡូក្រាម ។ *ចំណុចទី២ នៅបឹងឆ្តោរៀល រឹបអូសសាច់មង ប្រវែង ១.២០០ម៉ែត្រ ឡូក ១គ្រឿង និងលែងត្រីចូលបឹងធម្មជាតិ ៥០០គីឡូក្រាម ។ *ចំណុចទី៣ នៅបឹងអាឈូក រឹបអូសបានសាច់មង ប្រវែង ១.១០០ម៉ែត្រ ឡុកចំនួន ២គ្រឿង […]