ព័ត៌មានជាតិ

ចេញផ្សាយដោយ# គេហទំព័រ STD NEWS ONLINE នាព្រឹកថ្ងៃព្រហស្បតិ៍ ៩ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ (ឃុំសំរោង ស្រុកត្រាំកក់ ) ពិធីប្រកាសផ្លាស់ប្ដូរ និងទទូលស្គាល់ប្រធានក្រុមប្រឹក្សាឃុំ និងជាមេឃុំ ឃុំសំរោងលោកស្រី ឈុន ពៅ កាលនៅជាស្ដីទីលោកស្រីត្រូវបានពលរដ្ឋសសើរលោកស្រីមិនដាច់ពីមាត់ អំពីការខិតខំបំរើពលរដ្ឋបានយ៉ាងល្អប្រសើរស្ទើរគ្រប់លើវិស័យ ហើយពលរដ្ឋក្នុងឃុំសំរោងសាទរចំពោះលោកស្រីមេឃុំថ្មីយ៉ាងក្រៃលេងផងដែរ។ ពិធីតែងតាំងនេះក្រោមអធិបតីភាពលោក កៅ វគ្គសែល អភិបាលស្រុកត្រាំកក់ ខេត្តតាកែវ !! មានការចូលរូមពីសំណាក់លោកអភិបាលរងស្រុក នាយករដ្ឋបាលស្រុក ប្រធានការិយាយល័យអង្គភាពជុំវិញស្រុកលោកលោកស្រីមេឃុំទាំង១៤ឃុំ លោកមេភូមិអនុភូមិ លោកគ្រូអ្នកគ្រួ លោកនាយកសាលា បឋមសិក្សានិង អនុវិទ្យាល័យកងកម្លាំងទាំងពី មានអធិការដ្ឋាននគរបាលស្រុក កងរាជអាវុធហត្ថ ស្រុក កម្មវិធីនេះឃើញថាអធិកអធមនិងប្រកបដោយរលូន ៕  

ភ្នំពេញ៖ សមត្ថកិច្ចគ្រោងប្រើប្រាស់កម្លាំងប្រមាណជាង ២០០០នាក់ សម្រាប់ការពារក្នុងភូមិសាស្ត្ររាជធានីភ្នំពេញ ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែររយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៤។ នេះបើយោងតាមការឱ្យដឹងពី លោក វរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី១២ ខែមេសា ឆ្នាំ២០២៤។ លោក វរសេនីយ៍ឯក សំ វិច្ឆិកា បានបញ្ជាក់ថា កម្លាំងសមត្ថកិច្ចរបស់ស្នងការនគរបាលរាជធានីភ្នំពេញ បានត្រៀមខ្លួនរួចជាស្រេច រួមទាំងមធ្យោបាយ និងសម្ភារ បម្រើលើកិច្ចការពារសន្តិសុខ សណ្តាប់ធ្នាប់ សុវត្ថិភាព ជូនដល់ប្រជាពលរដ្ឋ និងភ្ញៀវទេសចរណ៍ជាតិ អន្តរាជាតិ ដែលទៅកម្សាន្តសប្បាយរីករាយនៅក្នុងភូមិសាស្ត្ររាជធានីភ្នំពេញ។ ឆ្លងតាមរយៈកិច្ចប្រជុំកាលពីពេលថ្មីៗនេះ លោក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានប្រជុំផ្សព្វផ្សាយកិច្ចការពារសន្តិសុខ សណ្តាប់ធ្នាប់ សុវត្ថិភាព ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដោយយោងទៅតាមផែនការដាក់ចេញដោយអគ្គស្នងការដ្ឋាននគរបាលជាតិក៏ដូចជាផែនការរបស់រដ្ឋបាលរាជធានីភ្នំពេញ។ លោកឧត្តមសេនីយ៍ ជួន ណារិន្ទ បានបញ្ជាក់ថា គ្រោងប្រើប្រាស់កម្លាំងប្រមាណជាង ២០០០នាក់ ដែលបំពាក់ទៅដោយឧបករណ៍ សម្ភារដែលបម្រើឱ្យកិច្ចការពារសន្តិសុខ ក្នុងនោះមានកម្លាំងល្បាតត្រួតពិនិត្យជាប្រចាំ […]

(ភ្នំពេញ) ៖ ព្រឹកថ្ងៃទី២ ខែមេសា ឆ្នាំ២០២៤ មីជាតិ បានរៀបចំកម្មវិធី «ចែករំលែកក្ដីស្រឡាញ់ ជាមួយកុមារ អូទីស្សឹម និងដោនស៊ីនដ្រូន» នៅវិទ្យាល័យ អប់រំពិសេស ក្រុងតាខ្មៅ ខេត្តកណ្ដាល ស្របជាមួយឱកាស នៃការប្រារព្ធទិវាយល់ដឹង ពីអូទីស្សឹមពិភពលោក ២មេសា ក្រោមការឧបត្ថម្ភគាំទ្រ ទាំងស្រុង ដោយ គម្រោងខ្មែរដើម្បីខ្មែរ របស់ក្រុមហ៊ុន វ័ន ហ្វ្រេតធើនីធី (មីជាតិ) ដែលបានរៀបចំយ៉ាងអធិកអធម និងមានចូលរួមពីដៃគូអាជីវកម្ម លោកគ្រូ អ្នកគ្រូ អាណាព្យាបាលសិស្ស ប្រមាណ៣៥០នាក់។ នៅថ្ងៃទី២ ខែមេសា ត្រូវបានអង្គការសហប្រជាជាតិ កំណត់យកជាទិវាយល់ដឹង ពីអូទីស្សឹមពិភពលោក។ ទិវានេះត្រូវបានរៀបចំធ្វើឡើង ជារៀងរាល់ឆ្នាំ តាំងពីឆ្នាំ២០០៨ មក សម្រាប់កំរិតពិភពលោក និងចាប់ពីឆ្នាំ២០១៤មក សម្រាប់ព្រះរាជាណាចក្រកម្ពុជា។ អូទីស្សឹម គឺជាជំងឺ ដែលមានកើតឡើងយ៉ាងជាក់ស្តែង និងផ្តល់ផលវិបាកធ្ងន់ធ្ងរខ្លាំងសម្រាប់លោកអ្នកជាឪពុកម្តាយផង និងបុគ្គលអ្នកជំងឺផ្ទាល់ផង ព្រោះវាជាទម្រង់មួយនៃពិការភាព។ ជាមធ្យម មានមនុស្សម្នាក់ ក្នុងចំណោមមនុស្ស១៥០ កើតជំងឺនេះ […]

(បន្ទាយមានជ័យ) ៖ អាជ្ញាធរក្រុងសិរីសោភ័ណ បានដាក់បទបញ្ជាទៅលើរថយន្តធំៗ ជាពិសេសរថយន្តដឹកដីទាំងឡាយណា ដែលបានបើកជាន់លើកម្រាលក្រាលការ៉ូទ្បាតាមចញ្ចើមផ្លូវ ក្នុងក្រុង បណ្តាលឱ្យរងការខូចខាត ត្រូវជួសជុលឡើងវិញជាបន្ទាន់ ។ លោក ស្រេង សុផល អភិបាលក្រុងសិរីសោភ័ណ បានបញ្ជាក់ថា ការ៉ូទ្បាដែលបានរៀបចំនៅតាមចញ្ចើមដងផ្លូវជាតិលេខ៥ នេះ គឺដើម្បីលម្អក្រុង និងសម្រាប់ប្រជាពលរដ្ឋដើរថ្មើរជើង ឬដើម្បីហាត់ប្រាណ បែរជារថយន្តបើកជាន់ធ្វើឱ្យរងការខូចខាតទ្រព្យសម្បត្តិរដ្ឋស្ទើរខូចទាំងស្រុង ។ ហើយនៅពេលនេះ លោក បានហៅម្ចាស់រថយន្ត និងម្ចាស់ដីដែលបានចាក់ដី ត្រូវរៀបចំជួសជុលតាមចញ្ចើមផ្លូវ និងធ្វើការរៀបក្រាលការ៉ូឡាលម្អនៅតាមចញ្ចើមផ្លូវជាតិលេខ៥ ទ្បើងវិញ ។ ប្រជាពលរដ្ឋក្នុងក្រុងសិរីសោភ័ណ បានសារទរនឹងចំណាត់ការនេះ ព្រោះការ៉ូឡាដែលរងការខូចខាតនេះ មានរយៈពេលជិតមួយខែមកហើយ ដោយរថយន្តដឹកដីចេញ-ចូលចាក់ដីនៅផ្នែកខាងក្រោយជិតមាត់ស្ទឹងក្រុងសិរីសោភ័ណ ។ ដោយឡែក លោក សុក ចាន់ថា ប្រធានមន្ទីសាធារណៈការ និងដឹកជញ្ជូនខេត្ត បានបញ្ជាក់ថា រថយន្តដឹកដីកិនធ្វើឱ្យខូចខាតកម្រាល ការ៉ូឡា នៅចំណុចចិញ្ចើមផ្លូវខាងលិចក្បាលស្ពានសែនសិន ប្រមាណជាង ១០០ ម៉ែត្រ នៅចិញ្ចើមផ្លូវខាងជើងនោះគឺម្ចាស់ដី និងម្ចាស់រថយន្តព្រមទទួលធ្វើការជួសជុលសងទ្បើងវិញ ៕

ខេត្តកំពត#  ក្រោមម្លប់សន្តិភាព គ្រួសារលោកស្រី ហ៊ូ សឿន បានថ្លែងអំណរអរគុណយ៉ាងជ្រៀលជ្រៅបំផុតចំពោះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមបណ្ឌិត ម៉ៅ ធនិន អភិបាលខេត្តកំពត ព្រមទាំងមន្រ្តីក្រោមឱវាទក្នុងខេត្ត និងស្រុកជុំគិរី ចេញផ្សាយ ថ្ងៃសុក្រ ៦កើត ខែផល្គុន ឆ្នាំថោះ បញ្ចាស័ក ពុទ្ធសករាជ ២៥៦៧ ត្រូវនឹងថ្ងៃទី១៥  ខែមីនា ឆ្នាំ២០២៤ ដោយគេហទំព័រ STD NEWS ONLINE.www.sknews24online.com គ្រួសារ លោកស្រី ហ៊ូ សឿន បានថ្លែងអំណរអរគុណយ៉ាងជ្រៀលជ្រៅបំផុត ដល់សម្ដេចមហាបវរអធិបតី ហ៊ុន ម៉ាណែត ដែលលោកបានផ្ដល់ដំណោះស្រាយប្រគល់ប្លង់ដី ជូនគ្រួសារលោកស្រីបានទាន់ពេលវេលា និងឆាប់រហ័សបំផុត លោកស្រីរំភើបយ៉ាងខ្លាំងបំផុត និងថ្លែងអំណរអរគុណ ម្ដងហើយម្ដងទៀត ចំពោះសម្ដេចធិបតី និងឯកឧត្តមអភិបាលខេត្តកំពត នាព្រឹកថ្ងៃទី១៥ ខែមីនា ឆ្នាំ២០២៤ ពីធីប្រគល់ប្លង់រឹងជូនគ្រួសារលោកស្រី ហ៊ូ សឿន ដោយមានការចូលរូមពី សំណាក់លោកស្រី […]

(ភ្នំពេញ) ៖ រដ្ឋមន្ត្រីក្រសួងអភិវឌ្ឍន៍ជនបទ បានណែនាំដល់មន្ត្រីក្រោមឱវាទ ត្រូវយកចិត្តទុកដាក់លើការងារថែទាំ ជួសជុល និងស្ដារឡើងវិញផ្លូវជនបទ ដើម្បីធានានិរន្ដរភាពនៃការប្រើប្រាស់ ស្របតាមអនុសាសន៍របស់សម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ដែលបានកំណត់គោលការណ៍សម្រាប់ការអភិវឌ្ឍគឺ ពង្រឹង៧០% និងពង្រីក៣០%។ ការថ្លែងនេះរបស់លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នាថ្ងៃទី១៣ ខែមីនា ឆ្នាំ២០២៤ ក្នុងកិច្ចប្រជុំត្រួតពិនិត្យ និងពិភាក្សាលើកម្មវិធីអាទិភាពទី១ ស្ដីពីការអភិវឌ្ឍហេដ្ឋារចនាសម្ព័ន្ធរូបវន្ដ និងគមនាគមន៍ជនបទ របស់ក្រសួងអភិវឌ្ឍន៍ជនបទ។ ក្នុងឱកាសនោះ លោក រដ្ឋមន្ត្រី ឆាយ ឫទ្ធិសែន ក៏បាន​ណែនាំឲ្យ​សិក្សាលើការប្រើប្រាស់បច្ចេកវិទ្យាថ្មី ជំនួសវត្ថុធាតុដើមកម្រដើម្បីធានាគុណភាពផ្លូវ ធន់នឹងការប្រែប្រួលអាកាសធាតុ ជាពិសេសតំបន់ដែលមានការប្រឈម និងហានិភ័យនៃការប្រែប្រួលអាកាសធាតុខ្ពស់។ ជាមួយគ្នានេះត្រូវបន្ដផ្សព្វផ្សាយ អប់រំប្រជាពលរដ្ឋឱ្យយល់ដឹងពីសារៈសំខាន់នៃខ្សែផ្លូវ និងឱ្យមានការចូលរួម ថែរក្សាពីសហគមន៍។ ក្នុងនោះត្រូវពិនិត្យ និងរៀបចំការដាក់ស្លាកសញ្ញានៃការកំណត់កម្រិតទម្ងន់នៅតាមខ្សែផ្លូវ និងស្ពាន ក្នុងគោលបំណងធានាដល់ការប្រើប្រាស់បានយូរអង្វែង។ បើតាមលោក ជ្រុន ថេរ៉ាវ៉ាត រដ្ឋលេខាធិការ និងលោក គង់ ភឿន ប្រធាននាយកដ្ឋានផ្លូវលំជនបទ បានបង្ហាញថា ផ្លូវជនបទនៅទូទាំងប្រទេសមានប្រវែងប្រមាណ៥០.២៦២គីឡូម៉ែត្រ […]