Month: January 2025

(រតនគិរី) ៖ លោកឧត្តមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តរតនគិរី នៅព្រឹកថ្ងៃទី៨ ខែមករា ឆ្នាំ២០២៥ បានអញ្ជើញបើកប្រជុំបូកសរុបលទ្ធផលការងារ ការអនុវត្តតួនាទី ភារកិច្ច និងកំណែទម្រង់កងរាជអាវុធហត្ថប្រចាំឆ្នាំ២០២៤ និងទិសដៅការងារឆ្នាំ២០២៥ និងប្រកាសតែងតាំងផ្លាស់ប្ដូរមុខតំណែង បំពាក់ឋានន្តរស័ក្តិ ជូនលិខិតសរសើរ បណ្ណសរសើរ ដល់យោធិននៃកងរាជអាវុធហត្ថខេត្តរតនគិរី ចំនួន ៣៧នាក់។ ក្នុងនោះមានផ្លាស់ប្ដូរមុខតំណែងចំនួន ១៩នាក់, បំពាក់ឋានន្តរសក្តិថ្នាក់អនុសេនីយ៍ចំនួន២នាក់, បណ្ណសរសើរអគ្គបញ្ជាការចំនួន ០៧នាក់, លិខិតសរសើរអគ្គបញ្ជាការចំនួន ០៩នាក់។ ពិធីនេះដែរក៏មានការអញ្ជើញចូលរួមអំពីសំណាក់លោកមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយ នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង, ស្រុក ប្រធានស្នាក់ការសន្តិសុខ កម្លាំងកងអនុសេនាធំអន្តរាគមន៍ចល័ត និងនាយ នាយរង កងរាជអាវុធហត្ថចំណុះបញ្ជាការដ្ឋានកងរាជអាវុធហត្ថខេត្តរតនគិរី ជាច្រើនរូបទៀតផងដែរ៕

(កំពត) ៖ ប្រជាពលរដ្ឋ បានប្រទះឃើញសពយុវជនម្នាក់ នៅក្នុងរណ្តៅការដ្ឋានសាងសង់ស្ពានមួយកន្លែង រួចប្រញាប់រាយការណ៍ជូនសមត្ថកិច្ចជំនាញ ដើម្បីចុះពិនិត្យរកមូលហេតុនៃការបាត់បង់ជីវិតដ៏គួរឱ្យរន្ធត់នោះ កាលពីព្រឹកថ្ងៃទី៦ ខែមករា ឆ្នាំ២០២៥ ស្ថិតក្នុងភូមិក្រាំងអំពៅ ឃុំដំណាក់សុក្រំ ស្រុកដងទង់ ខេត្តកំពត ។ មន្ត្រីនគរបាលចរាចរណ៍ស្រុកដងទង់ បានឱ្យដឹងថា កាលពីព្រលឹមថ្ងៃទី៦ ខែមករា អ្នកដំណើរឆ្លងកាត់ភូមិក្រាំងអំពៅ ឃុំដំណាក់សុក្រំ បានប្រទះឃើញសពយុវជនម្នាក់ស្ថិតក្នុងរណ្តៅ ដែលគេជីកសាងសង់ស្ពានមួយកន្លែងបង្កការភ្ញាក់ផ្អើល ទើបរាយការណ៍ប្រាប់សមត្ថកិច្ចភ្លាមៗ ។ តាមរយៈការធ្វើកោសលវិច័យរបស់មន្ត្រីជំនាញ ជនរងគ្រោះបានជិះម៉ូតូធ្លាក់ចូលរណ្តៅការដ្ឋានសំណង់ដោយខ្លួនឯង ពោលគឺ មិនពាក់ព័ន្ធនឹងអំពើឃាតកម្មបង្កឡើងពីសំណាក់ជនណាម្នាក់ឡើយ ។ សមត្ថកិច្ចដដែល បានបញ្ជាក់ថា យុវជនរងគ្រោះឈ្មោះ មាស ចិត្រា អាយុ ២៤ឆ្នាំ មានទីលំនៅភូមិក្រាំងអំពៅ ឃុំដំណាក់សុក្រំ ស្រុកដងទង់ ខេត្តកំពត ។ ហេតុការណ៍នេះ អាចកើតឡើងនៅវេលាម៉ោងប្រហែលជិត ១១យប់ ថ្ងៃទី៥ ខែមករា ឆ្នាំ២០២៥ ។ ក្រោយកើតហេតុ សមត្ថកិច្ចបានប្រគល់សព និងម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ កំពត […]

(ខេត្តក្រចេះ) ៖ អ្នកនាំពាក្យស្នងការដ្ឋាននគរបាលខេត្តក្រចេះ លោក ហន ប៉ូច​ បានឱ្យដឹងនៅរសៀលថ្ងៃទី៦ ខែមករា ឆ្នាំ២០២៥ ថាខេត្តក្រចេះ រយៈពេលមួយឆ្នាំក្នុងឆ្នាំ២០២៤ កម្លាំងសមត្ថកិច្ចនៃស្នងការដ្ឋាននគរបាលខេត្តក្រចេះ បានចុះបង្ក្រាបបទល្មើសគ្រឿងញៀនបានចំនួន ១៦៣លើក កើនឡើង ៥៥លើក ស្មើនឹង ៥១% បើប្រៀបធៀបនឹង ឆ្នាំ២០២៣ ក្នុងប្រតិបត្តិការបង្ក្រាបបទល្មើសខាងលើគឺមានការចង្អុលបង្ហាញពីលោកឧត្តមសេនីយ៍ទោ អ៊ូ សុបុណ្ណា ស្នងការនគរបាលខេត្តក្រចេះ ។ លោក បានបន្តឱ្យដឹងថា ក្នុងករណីបង្ក្រាបបទល្មើសគ្រឿងញៀនខាងលើ ឃាត់ខ្លួនមនុស្សបានចំនួន ២៨៩នាក់ ក្នុងនោះមានស្រី ២២នាក់ (ជនជាតិខ្មែរ ២៤១នាក់ ក្នុងនោះមានស្រី ១៥នាក់, ខ្មែរ-ឥស្លាម ៤៦នាក់ ក្នុងនោះមានស្រី ០៦នាក់, ជនជាតិវៀតណាម ០២នាក់ ក្នុងនោះមានស្រី ០១នាក់) បានឃុំខ្លួន ២១៤នាក់ ក្នុងនោះមានស្រី ១៣នាក់, ព្យាបាល ១២នាក់ ក្នុងនោះមានស្រី ០១នាក់, ដាក់ឱ្យស្ថិតនៅក្រោមការត្រួតពិនិត្យតាមផ្លូវការតុលាការ ៥៨នាក់ ក្នុងនោះមានស្រី […]

ក្រុមព័ត៌មានបណ្តាញសង្គម នៃរដ្ឋបាលស្រុកអង្គរបូរី មានកិត្តិយសសូមប្រកាសព័ត៌មាន ប្រគេន ថ្វាយ និងជម្រាបជូន ព្រះថេរានុត្ថេរៈ សម្តេច ឯកឧត្តម លោកជំទាវ ស្ថាប័ន អង្គភាព សាធារណជន មេត្តាជ្រាបថា៖ លោក រស់ ប៊ុនធឿន អភិបាលស្រុកអង្គរបូរី ពុំដែលមានការប្រកាន់ខឹងឈ្លោះ រើសអើង ឬមានបំណងប្តឹងចំពោះមន្ត្រីព័ត៌មានខេត្ត ឬអ្នកសារព័ត៌មានរូបណានោះទេ ។ លោក រស់ ប៊ុនធឿន គឺជាបុគ្គលមានសក្តានុពលសព្វបែបយ៉ាង លើការដឹកនាំអង្គភាពដោយពុំដែលបានប្រព្រឹត្តអំពើឧបាយមុខ អសីលធម៌ ដូចការបង្ហោះ រិះគន់ទៅលើរូបគាត់ នៅក្នុងបណ្តាញសង្គមនោះទេ ។ កាលពីរសៀលថ្ងៃទី០២ ខែមករា ឆ្នាំ២០២៥ មានកម្មវិធីប្រកាសចូលកាន់តំណែង មេបញ្ជាការមូលដ្ឋានកងរាជអាវុធហត្ថស្រុកអង្គរបូរី លុះព្រឹកថ្ងៃទី០៣ ខែមករា ឆ្នាំ២០២៥ មានលោក ឱក សុវណ្ណា ជាមន្ត្រីព័ត៌មាននៅមន្ទីរព័ត៌មានខេត្តតាកែវ បានផ្ញើសារសំឡេងតាមរយៈតេឡេក្រាមសុំថ្លៃសាំងពី លោក រស់ ប៊ុនធឿន ដោយសារលោក ឱក សុវណ្ណា បានចុះមកយកព័ត៌មានក្នុងពិធីប្រកាសចូលកាន់តំណែងរបស់លោកមេបញ្ជាការមូលដ្ឋានកងរាជអាវុធហត្ថស្រុកអង្គរបូរី ដោយពុំមែនជាកម្មវិធីរបស់ខ្លួន លោក […]

នៅថ្ងៃទី០៣ ខែមករា ឆ្នាំ២០២៥ នាយកដ្ឋានប្រឆាំងបទល្មើសបច្ចេកវិទ្យា បានធ្វើការស្រាវជ្រាវ និងបង្រ្កាបបទល្មើសឆបោកប្រាក់តាមប្រព័ន្ធបច្ចេកវិទ្យា ក្រោមរូបភាពវិនិយោគ ដោយទទួលបានប្រាក់ចំណេញច្រើនក្នុងរយ:ពេលខ្លី ។ ប្រតិបត្តិការនេះ ដោយមានការសម្របសម្រួល​ពី​អយ្យការអមសាលាដំបូងរាជធានីភ្នំពេញ នាយកដ្ឋានបានឃាត់​ខ្លួន​ជនសង្ស័យ​ ចំនួន០២រូប រួមមាន៖ ទី១-ឈ្មោះ អ.ណ.រ ភេទប្រុស ជនជាតិខ្មែរ មានទីលំនៅខេត្ដកណ្ដាល និងទី២-ឈ្មោះ ផ.ស.ជ ភេទប្រុស ជនជាតិខ្មែរ មានទីលំនៅរាជធានីភ្នំពេញ ជាអ្នកណែនាំឱ្យជនរងគ្រោះចុះ​ឈ្មោះ និងធ្វើការទទួលប្រាក់-ផ្ទេរប្រាក់តាមបញ្ជារបស់មេក្លោង ដែលមិនស្គាល់អត្តសញ្ញាណ ហើយ​ខ្លួនក៏បានទទួលផលពីបទល្មើសនេះដែរ ។ បច្ចុប្បន្ន ជនសង្ស័យទាំង ២នាក់ ត្រូវបាននាយកដ្ឋានកសាងសំណុំរឿងបញ្ជូន​ទៅ​អយ្យការអមសាលាដំបូងរាជធានីភ្នំពេញ ដើម្បីចាត់ការនីតិវិធីតាមផ្លូវច្បាប់ ។ នាយកដ្ឋាន សូ​មក្រើនរំលឹកដល់ប្រជាពលរដ្ឋ សូមឱ្យមានការប្រយ័ត្ន ពីការអូស​ទាញ​របស់​ជនអនាមិក ក្នុងការវិនិយោគតាមប្រព័ន្ធអនឡាញ ដោយសន្យានឹងទទួលបានប្រាក់ចំណេញច្រើនក្នុងរយ:ពេលខ្លី និងការប្រើប្រាស់គណនីធនាគារដែលជាអត្តសញ្ញាណរបស់ខ្លួន ដើម្បីទទួល-​ផ្ទេរ​ប្រាក់ ដែលមិនមានប្រភពច្បាស់លាស់ ដោយទទួលបា​នប្រា​ក់កម្រៃ​ពីអំពើ​នោះ វាគឺជាចំណែកនៃការចូលរួមប្រព្រឹត្តិបទល្មើស និងទទួលខុសត្រូវចំពោះមុខច្បាប់ជាធ​រ​មាន ៕

(កំពង់ស្ពឺ) ៖ កម្លាំងកងរាជអាវុធហត្ថខេត្តកំពង់ស្ពឺ បានបើកប្រតិបត្តិការបង្ក្រាបទីតាំងលួចបើកល្បែងស៉ីសងខុសច្បាប់ នៅចំណុចភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ដោយចាប់ខ្លួនមនុស្សប្រុសស្រី ចំនួន១៨នាក់។ ប្រតិបត្តិការនេះធ្វើឡើងដោយគោរពតាមអនុសាសន៍របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងមានការចង្អុលបង្ហាញពីនាយឧត្តមសេនីយ៍ សៅ សុខា អគ្គមេបញ្ជាការរង មេបញ្ជាការកងរាជអាវុធហត្ថលើផ្ទៃប្រទេស និងលោកបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ។ ការបង្ក្រាបនេះបានធ្វើឡើងនៅថ្ងៃទី១ ខែមករា ឆ្នាំ២០២៥ ដឹកនាំផ្ទាល់ដោយលោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ និងមានការសម្របសម្រួលនីតិវិធីពីលោក ទិន សុចិត្រា ព្រះរាជអាជ្ញារង អមសាលាដំបូងខេត្តកំពង់ស្ពឺ។ កម្លាំងជំនាញមន្ទីរស្រាវជ្រាវ និងបង្ក្រាបបទល្មើសខេត្តកំពង់ស្ពឺ សហការជាមួយកម្លាំងកងរាជអាវុធហត្ថស្រុកសំរោងទង ដោយបានឃាត់ខ្លួនជនសង្ស័យបានចំនួន១៨នាក់។ សមត្ថកិច្ចជំនាញ បានដកហូតទូរស័ព្ទចំនួន១៦គ្រឿង, លិខិតឆ្លងដែនចំនួន២, តុលេងបៀចំនួន៧ និងតុហ្គេមត្រីចំនួន២, កៅអីចំនួន២៥, ឡានចំនួន១គ្រឿង, សម្ភារលេងបៀរ និងកាក់មួយចំនួន។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញមន្ទីរស្រាវជ្រាវ និងបង្ក្រាបបទល្មើស បញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ស្ពឺ ដើម្បីបន្តនីតិវិធី៕

(កំពង់ស្ពឺ) ៖​ នៅយប់ថ្ងៃទី៣ ខែមករា ឆ្នាំ២០២៥ វេលាម៉ោង ៣៖៤៥នាទី​ លើកំណាត់ផ្លូវល្បឿនលឿន K39+200 ទិសដៅព្រះសីហនុ​ ទៅភ្នំពេញ​ ត្រង់ចំណុចភូមិត្រាច ឃុំកាហែង ស្រុកសំរោងទង ខេត្តកំពង់ស្ពឺ មានរថយន្ត ១គ្រឿង ម៉ាកលុចស៊ីស RX300 ពណ៌ស ពាក់ស្លាកលេខ​ បាត់ដំបង 2B-3816 អ្នកបើកបរឈ្មោះ លី ហ៊ូវ ភេទប្រុស អាយុ ៤០ឆ្នាំ (ស្លាប់) នៅភូមិពោធិ៍ខ្វិត ឃុំព្រះបាទជាន់ជុំ ស្រុកគីរីវង់ ខេត្ដតាកែវ និងមានអ្នករួមដំណើរជាមួយ ចំនួន ២នាក់​ ទី១-ឈ្មោះ YIN CHAOYANG ភេទប្រុស ជនជាតិចិន (ស្លាប់)​ និងទី២-ឈ្មោះ DING YUMEI ភេទស្រី ជនជាតិចិន (របួសធ្ងន់) កំពុងសង្រ្គោះបន្ទាន់ ។ យោងតាមតាំមេរ៉ាសុវត្ថិភាពទិន្នន័យដោយផ្លូវល្បឿនលឿន រថយន្តបើកបរពីទិសខាងលិច មកពីខេត្តព្រះសីហនុ ឆ្ពោះទៅទិសខាងកើត […]

(បន្ទាយមានជ័យ)៖ ក្រុមចោរប្លន់មួយក្រុមចំនួន៤នាក់ ក្នុងចំណោមបក្ខពួកចំនួន ៦នាក់ ត្រូវបានកម្លាំងកងរាជអាវុធហត្ថក្រុងសិរីសោភ័ណ បានឃាត់ខ្លួនបន្ទាប់ពីបានធ្វើសកម្មភាពប្លន់ម៉ូតូ ១គ្រឿងរបស់ជនរងគ្រោះ នៅវេលាម៉ោង៤ ទាបភ្លឺថ្ងៃទី៣១ ខែធ្នូ ឆ្នាំ២០២៤ នៅចំណុចតាមបណ្ដោយផ្លូវជាតិលេខ៥ ស្ថិតក្នុងភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ។ លោកវរសេនីយ៍ត្រី សុខ ឡេង មេបញ្ជាការកងរាជអាវុធហត្ថក្រុងសិរីសោភ័ណ បានឱ្យដឹងថា នៅថ្ងៃទី៣១ ខែធ្នូ ឆ្នាំ២០២៤ លោកបានទទួលព័ត៌មាន ពីឈ្មោះ អាន់ ប្រុស ភេទប្រុស អាយុ១៦ឆ្នាំ រស់នៅភូមិ តាកាំ ឃុំដូនកែវ ស្រុកពួក ខេត្តសៀមរាប ថាមានក្រុមចោរមួយក្រុមបានធ្វើសកម្មភាព ជិះម៉ូតូដេញតាមម៉ូតូរបស់ខ្លួន ពេលដែលជនរងគ្រោះ និងមិត្តភក្តិបានធ្វើដំណើរចេញពីកន្លែងធ្វើការងារនៅក្រុងប៉ោយប៉ែត ឆ្ពោះទៅលេងស្រុកកំណើត នៅខេត្តសៀមរាប លុះមកដល់ចំណុចកើតហេតុ ក្រុងសិរីសោភ័ណ ពេលជិះទទឹមគ្នាស្រាប់តែក្រុមចោរធាក់ប្លន់យកម៉ូតូខ្លួនយកទៅបាត់។ នៅពេលទទួលបានព័ត៌មានហើយ លោកបានដឹកនាំកម្លាំងអាវុធហត្ថមួយក្រុម សហការជាមួយកម្លាំងអាវុធហត្ថប៉ោយប៉ែត ចុះដល់ចំណុចមុខអគារកាស៊ីណូហ្គោលវើល ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ទើបធ្វើការឃាត់ខ្លួនជនសង្ស័យបានជាបន្តបន្ទាប់ចំនួន៤នាក់ យកមកមូលដ្ឋានកងរាជអាវុធហត្ថក្រុងសិរីសោភ័ណ ដើម្បីសាកសួរ។ ជនសង្ស័យទាំង៤នាក់រួមមាន៖ […]

(ឧត្តរមានជ័យ)៖ ជនសង្ស័យចំនួន៣នាក់ ត្រូវបានកម្លាំងនគរបាលនៃអធិការដ្ឋាននគរបាលស្រុកត្រពាំងប្រាសាទ ស្រាវជ្រាវឃាត់ខ្លួនបានជាបន្តបន្ទាប់ ជាមួយនឹងការដកបានហូតវត្ថុតាងថ្នាំញៀនជិត៥០កញ្ចប់តូចធំ អាវុធកែច្នៃ១ដើម និងសម្ភារ មួយចំនួនទៀត។ លោកវរសេនីយ៍ទោ ជ័យ វាសនា អធិការនគរបាលស្រុកត្រពាំងប្រាសាទ បានថ្លែងប្រាប់ឱ្យដឹងនៅរសៀលថ្ងៃទី០២ ខែមករា ឆ្នាំ២០២៥ថា ដោយអនុវត្តបទបញ្ជាយ៉ាងម៉ឺងម៉ាត់ពីលោកឧត្តមសេនីយ៍ទោ ខូវ លី ស្នងការនគរបាល ខេត្តឧត្តរមានជ័យ និងការណែនាំពីលោកឧត្តមសេនីយ៍ត្រី ស៊ឹម វណ្ណៈ ស្នងការរងទទួលផែនគ្រឿងញៀន នៅថ្ងៃទី៣០ ខែធ្ន ឆ្នាំ២០២៤ កម្លាំងអធិការនគរបាលស្រុក ដឹកនាំដោយលោកវរសេនីយ៍ទោ ផន ជាង អធិការរងទទួលផែនប្រឆាំងគ្រឿងញៀន និងកម្លាំងប៉ុស្តិ៍នគរបាលរដ្ឋបាលត្រពាំងប្រាសាទ បានបង្ក្រាបមុខសញ្ញាជួញដូររក្សាទុក និងប្រើប្រាស់នូវសារធាតុញៀនដោយខុសច្បាប់ ស្ថិតក្នុងភូមិស្រែក្រសាំង ឃុំ-ស្រុក ត្រពាំងប្រាសាទ ឃាត់ខ្លួនជនសង្ស័យ០១នាក់ ឈ្មោះ ចាន់ ឌីណា ហៅងោល អាយុ៣៩ឆ្នាំ ដកហូតវត្ថុតាងថ្នាំញៀនប្រភេទមេតំហ្វេតាមីន(ICE)ចំនួន០៣កញ្ចប់តូច ធំ កាំភ្លើងកែច្នៃស្នប់ខ្យល់០១ដើម ទូរស័ព្ទដៃ០១គ្រឿង។ លោកវរសេនីយ៍ទោ ជ័យ វាសនា បានថ្លែងទៀតថា យោងតាមចម្លើយសារភាពរបស់ជនសង្ស័យឈ្មោះ ចាន់ ឌីណា […]