ថ្ងៃចន្ទ ១៤កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែកញ្ញា ឆ្នាំ២០២៤
(ក្រុងប៉ោយប៉ែត) ៖ ប្រជាពលរដ្ឋបានឱ្យដឹងថា អាគារដែលគេបិទទ្វារជិតៗ លាបថ្នាំពណ៌ខ្មៅទាំងនោះភាគច្រើនគឺជាទីតាំងអនឡាញខុសច្បាប់ ជាការបើកដៃដោយក្រុមអាជ្ញាធរខេត្តបន្ទាយមានជ័យ និងក្រុងប៉ោយប៉ែត ឬយ៉ាងណា? ។
ពលរដ្ឋលើកឡើងថា នៅតាមមាត់ច្រក ចាប់តាំងពីទឹកពុះរហូតដល់អូរល្ហុង ដែលគ្រប់គ្រងដោយវីរៈការពារព្រំដែនគោក បើកដៃឱ្យជនជាតិថៃ ចិន ចេញចូលមកទឹកដីក្រុងប៉ោយប៉ែត ដើម្បីបម្រើការងារតាមអាគារអនឡាញពាសពេញក្រុងប៉ោយប៉ែត ។
តើលោកអភិបាលខេត្តបន្ទាយមានជ័យ លោក អ៊ុំ រាត្រី មានបានដឹងទេ តើលោកអភិបាលក្រុងប៉ោយប៉ែត លោក គាត ហ៊ុល មានបានដឹងទេករណីខាងលើនេះទេ ? សូមលោកស្នងការ លោក សិទ្ធ ឡោះ មេត្តាមានវិធានការទាន់ពេលវេលាផងទាន សូមលោក បោន ប៊ិន ពិនិត្យមើលករណីខាងលើនេះផងទាន ។
ប្រភពពលរដ្ឋ លើកឡើងថា តាមខារ៉ាអូខេ គេសង្កេតឃើញមានការប្រើប្រាស់គ្រឿងញៀន ថ្នាំក្រវី ខេ យ៉ាងអាណាធិបតេយ្យ តែសមត្ថកិច្ចក្រុងប៉ោយប៉ែតមើលមិនឃើញ តើលោក នួន នីណារ៉ូ និងលោក ព្រហ្ម ពិសិដ្ឋ មានយកភ្នែកមើលទេ ឬជាប្រយោជន៍ដ៏ធំរបស់អស់លោក ? ។
ដោយឡែកកាលពីពេលថ្មីៗនេះ មានអង្គភាពសារព័ត៌មានប្រប្រទេសថៃ បានធ្វើការចុះផ្សាយពាក់ព័ន្ធពីករណីការហូរចូលមនុស្សខុសច្បាប់តាមច្រករបៀង ក្នុងទឹកដីខេត្តបន្ទាយមានជ័យ ៕
