ព័ត៌មានសន្តិសុខសង្គម

(ភ្នំពេញ) ៖ រថយន្ត​យី​ឌុ​ប​ដឹកស្រូវ​រាប់រយ​បាវ​ ទម្ងន់​ប្រមាណ​ជាង​ ៣០​ តោន​ បាន​បុ​ក​គ្នា​ជាមួយ​រថយន្ត​បែន​កង់ ០​៦ ដឹក​ខ្សាច់ ​របស់​រដ្ឋាករទឹក​ស្វយ័ត​ក្រុងភ្នំពេញ នា​វេលា​ទៀប​ភ្លឺ បណ្ដាល​ឱ្យ​រង​ការ​ខូចខាត​ទាំង​សងខាង ប៉ុន្តែ​មិន​បាន​បណ្ដាល​ឱ្យ​រថយន្ត​ទាំង​ ០២ ​គ្រឿង​ ក្រឡា​ប់​នោះ​ឡើយ ។ លុះ​ព្រឹក​ឡើង ខាង​រថយន្ត​ដឹកស្រូវ​បាន​យក​រថយន្ត​ស្ទូច​ ០១​ គ្រឿង ​ទៅ​ស្ទូច​បង្ហើប​កន្ទុយ​រ៉ឺ​ម៉ក​រថយន្ត​ដឹកស្រូវ​នោះ ដើម្បី​ប្ដូរ​ក្បាល​រថយន្ត​សណ្ដោង​ថ្មី ស្រាប់តែ​ដាច់​តម្ពក់​ដង​ស្ទូច បណ្ដាល​ឱ្យ​ក្រឡា​ប់​ចា​ក់ស្រូវ​ចោល​ពេញ​ដី​តែ​ម្ដង ។ កន្ទុយ​រ៉ឺ​ម៉ក​រថយន្ត​ដឹកស្រូវ​ខាងលើ​នោះ​ បាន​ក្រឡា​ប់ កាលពី​វេលា​ម៉ោងជាង ០​៨ ​ព្រឹក ថ្ងៃ​ទី​២៥ ខែកុម្ភៈ ឆ្នាំ​២០២៤ នៅ​តាម​មហាវិថី​ឈ្នះ​ឈ្នះ ហៅ​ផ្លូវ​អូ​ដឹ​ម​កប់​ស្រូវ ស្ថិត​នៅ​ក្នុងភូមិ​ជង្រុក សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ រាជធានី​ភ្នំពេញ ។ តាម​ប្រភព​ព័ត៌មាន​ បាន​ឱ្យ​ដឹង​ថា រថយន្ត​ដឹកស្រូវ​នោះ ​ក្បាល​សណ្ដោង​ម៉ាក​ហ៊ី​យ៉ា​ន់​ដាយ​ ពណ៌​ស ពាក់​ផ្លាក​លេខ​ កំពង់ចាម 3A-6698 រីឯ​កន្ទុយ​រ៉ឺ​ម៉ក ​ពណ៌​បៃតង ​ពាក់​ផ្លាក​លេខ​ ព្រះ​សីហ​នុ​ 4A-1421 ។ […]

(ភ្នំពេញ) ៖ កម្លាំងជំនាញ (ក៣) ដឹកនាំដោយ លោកឧត្តមសេនីយ៍ទោ ប្រុញ សាន លោកឧត្តមសេនីយ៍ទោ ភឹម ច័ន្ទតារ៉ា លោកវរសេនីយ៍ឯក វ៉ាន់ កែវវង្សវិចិត្រ នាយករងមន្ទីរ លោកវរសេនីយ៍ឯក ទិត ចំរើន នាយការិយាល័យ (ក៣) សហការជាមួយកម្លាំងជំនាញ នៃស្នងការដ្ឋាននគរបាលរាជធានីភ្នំពេញ ដឹកនាំសម្របសម្រួលដោយ លោក គឹម ហុងសាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានស្រាវជ្រាវ ស៊ើបអង្កេត បង្ក្រាបករណីជួញដូរ រក្សាទុករគ្រឿងញៀន នៅ ០២ គោលដៅ ផ្សេងគ្នាជាបន្តបន្ទាប់ កាលពីថ្ងៃទី២១ ខែកុម្ភៈ ឆ្នាំ២០២៤ ។ សមត្ថកិច្ច បានបញ្ជាក់ថា គោលដៅទី១ នៅខាងមុខហាងស៊ូស៊ែងយាន ផ្លូវបេតុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ និងគោលដៅទី២ នៅក្នុងខុនដូ PALMHOUSE ជាន់ទី១ បន្ទប់លេខ១០២ ផ្លូវលេខ៦៣ សង្កាត់បឹងកេងកង១ […]

អគ្គិភ័យឆាបឆេះទីតាំងលក់ និងប៉ះកង់រថយន្ដមួយកន្លែង យ៉ាងសន្ធោសន្ធៅ ប៉ុន្តែមិនទាន់ដឹងអំពីមូលហេតុនៅឡើយ បានរងការខូចខាតសម្ភារអស់មួយចំនួនធំ និងបន្តរាលដាលដល់ផ្ទះលក់បាយក្បែរនោះ ខូចខាតសម្ភារអស់មួយចំនួនដែរ ។ ហេតុការណ៍ឆាបឆេះនេះ បានកើតឡើង នៅវេលាម៉ោង ០២ ៖ ៣០ នាទីយប់ ថ្ងៃទី២៤ ខែកុម្ភៈ ឆ្នាំ២០២៤ ទល់មុខមន្ទីរអភិវឌ្ឍន៍ជនបទ ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។ សមត្ថកិច្ចមូលដ្ឋាន នៅមិនទាន់ដឹងករណីអគ្គិភ័យឆេះនេះនៅឡើយទេ កំពុងស្រាវជ្រាវ ខណៈទីតាំងនេះគេបានសាងសង់សណ្ឋាគារមិនទាន់រួចរាល់នៅឡើយ ។ ម្ចាស់ទីតាំងត្រូវបានគេស្គាល់ឈ្មោះ ឃាង ហ៊ួរ ប្រកបអាជីវកម្មលក់កង់រថយន្ដ ។ ក្នុងករណីនេះ អគ្គិភ័យបានលេបត្របាក់សម្ភារៈដូចជា ម៉ាស៊ីនភ្លើង ០២ គ្រឿង ទូកាហ្វេ ០១ ទូទឹកកក ០១ ម៉ាស៊ីនដកកង់ឡាន ០១ កង់ឡាន ០១ ពាន់គ្រាប់ (ថ្មី)​ និងយ៉ាន់​ឡាន​ ០១ ពាន់ ។ ចំណែកផ្ទះលក់បាយខូចខាតសម្ភារ:ដូចជា កូនក្រឡឹងឈើប្រភេទធ្នង់ […]

(ភ្នំពេញ) ៖ កម្លាំងនគរបាល នៃអធិការដ្ឋាននគរបាលខណ្ឌដង្កោ បានធ្វើការបង្ហាញមុខជនសង្ស័យ ចំនួន ០៦ នាក់ ជាសាធារណៈមុនបញ្ចូនទៅតុលាការ នាព្រឹកថ្ងៃទី២២ ខែកុម្ភៈ ឆ្នាំ២០២៤ ក្រោយពីបង្ក្រាបបានជាបន្តបន្ទាប់ ពាក់ព័ន្ធបទល្មើសប្លន់ម៉ូតូ លួច និងគាស់ផ្ទះរបស់ប្រជាពលរដ្ឋ ។ ការបង្ហាញមុខជនសង្ស័យប្រុសស្រីទាំង ០៦ នាក់ខាងលើនេះ ដោយមានការអនុញ្ញាតពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការ នៃស្នងការដ្ឋាននគរបាលរាជធានីភ្នំពេញ ទើបលោកវរសេនីយ៍ឯក សំ វិច្ឆិកា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ និងលោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ ធ្វើការបង្ហាញមុខជនសង្ស័យក្នុងអំពើប្លន់ និងលួច ចំនួន ០៣ ករណីផ្សេងគ្នា នៅខណ្ឌដង្កោ ក្នុងនោះអំពើប្លន់ ០២ ករណី និងលួចម៉ូតូ ០១ ករណី ឃាត់ខ្លួនជនសង្ស័យ សរុប ០៦ នាក់ ។ លោកវរសេនីយ៍ឯក ជឹម […]

(ស្ទឹងត្រែង) ៖ កម្លាំងអធិការដ្ឋាននគរបាលស្រុកឆែប ដែលមានព្រំប្រទល់ជាប់ស្រុកថាឡាបរិវ៉ាត់ ខេត្តស្ទឹងត្រែង សៀលថ្ងៃទី២២ ខែកុម្ភៈ ឆ្នាំ២០២៤ បានឃាត់ខ្លួនជនជាតិចិនប្រុសស្រី ០៣ នាក់ និងអ្នកបើកបរដឹកជញ្ជូនម្នាក់ ខណៈលួចឆ្លងដែនខុសច្បាប់ ចេញពីប្រទេសឡាវ រួចបញ្ជួនទៅកាន់ការិយាល័យផ្នែកអន្តោប្រវេសន៍ នៃស្នងការដ្ឋាននគរបាលខេត្តព្រះវិហារ ដើម្បីចាត់វិធានការតាមនីតិវិធី ។ តាមការបញ្ជាក់ពី លោកវរសេនីយ៍ឯក ស៊ឹម សាយ អធិការនគរបាលស្រុកឆែប បានឱ្យដឹងថា កម្លាំង នៃអធិការដ្ឋាននគរបាលស្រុកឆែប បានដាក់ប៉ុស្ដិ៍ត្រួតពិនិត្យយ៉ាងតឹងរឹង ២៤ ម៉ោង លើ ២៤ ម៉ោង លុះនៅរសៀលថ្ងៃទី២២ ខែកុម្ភៈ ឆ្នាំ២០២៤ បានត្រួតពិនិត្យ និងឃាត់ខ្លួនជនជាតិចិនប្រុសស្រី ចំនួន ០៣ នាក់ រួមនឹងខ្មែរម្នាក់ ដែលជាអ្នកបើករថយន្ដ ដឹកជនបរទេសសង្ស័យលួចឆ្លងដែនខុសច្បាប់ ។ ក្រោយពីត្រួតពិនិត្យជាក់ស្ដែង នៅទីតាំងប៉ុស្ដិ៍ត្រួតពិនិត្យ ក្នុងមូលដ្ឋានស្រុកឆែប កម្លាំងសមត្ថកិច្ចនៅគោលដៅ បានធ្វើការឃាត់ខ្លួនជនសង្ស័យខាងលើបណ្ដោះអាសន្ន រួមនឹងរថយន្ត ០១ គ្រឿង ដែលជាមធ្យោបាយដឹកជញ្ជូនអ្នកដំណើរ ។ ជនសង្ស័យខាងលើ […]

(ភ្នំពេញ) ៖ ក្រោយមានបណ្ដាញសង្គមមួយចំនួន បានបង្ហោះជាសាធារណៈថា ទីតាំង ឌីអិន ស្ប៉ា និងម៉ាស្សា មានបង្កប់ល្បែងស៊ីសងខុសច្បាប់គ្រប់ប្រភេទ នៅខាងក្នុង ។ ជាក់ស្ដែង កម្លាំងគណៈបញ្ជាការឯកភាពខណ្ឌ៧មករា បានចុះទៅដល់ទីតាំង និងត្រួតពិនិត្យ ពុំមានដូចការចុះផ្សាយនោះឡើយ ឃើញតែបន្ទប់ម៉ាស្សា ស្នូកឃ័រ គ្មានសម្ភារអ្វីពាក់ព័ន្ធល្បែងស៊ីសងនោះទេ ។ សូមជម្រាបថា ប្រតិបត្តិការចុះត្រួតពិនិត្យនេះ បានធ្វើឡើង នៅរសៀលថ្ងៃទី២១ ខែកុម្ភៈ ឆ្នាំ២០២៤ ដោយមានការបញ្ជាពី លោក ថេង សុថុល អភិបាល នៃគណៈអភិបាលខណ្ឌ៧មករា បានចាត់ឱ្យ លោក កេត ឧត្តម អភិបាលរងខណ្ឌ ដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យផ្ទាល់តែម្ដង នៅចំណុចទីតាំង ឌីអិន ស្ប៉ា និងម៉ាស្សា ស្ថិតនៅតាមបណ្ដោយផ្លូវលេខ១២២ កែងផ្លូវលេខ១៧១ សង្កាត់មិត្តភាព ខណ្ឌ៧មករា រាជធានីភ្នំពេញ តែពុំមានអ្វីពាក់ព័ន្ធបទល្មើស និងល្បែងស៊ីសងនោះឡើយ ។ ក្នុងការចុះត្រួតពិនិត្យនេះដែរ អាជ្ញាធរ បានអប់រំណែនាំដល់ម្ចាស់គ្រប់គ្រងទីតាំង និងបានធ្វើការកិច្ចសន្យា […]

(ភ្នំពេញ) ៖ នៅថ្ងៃទី២០ ខែកុម្ភៈ ឆ្នាំ២០២៤ កម្លាំងអធិការនគរបាលខណ្ឌទួលគោក ដឹកនាំដោយ លោកវរសេនីយ៍ឯក សុឹម ពិសិដ្ឋ អធិការនគរបាលខណ្ឌទួលគោក សហការជាមួយកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ និងមានការសម្របសម្រួលពី ព្រះរាជអាជ្ញារងអមសាលាដំបូងរាជធានីភ្នំពេញ បានចុះបង្ក្រាបទីតាំង ទិញ-លក់ ម៉ូតូ នៅផ្ទះលេខ៤៩E ផ្លូវ១៩២ សង្កាត់ទឹកល្អក់៣ ខណ្ឌទួលគោក ពាក់ព័ន្ធករណីទទួលផលចោរកម្ម ។ សម្ភារៈដកហូត រួមមាន៖ ម៉ូតូ ចំនួន ៣១ គ្រឿង, ផ្លាកលេខម៉ូតូ ចំនួន ១១២ សន្លឹក, កាតគ្រីម៉ូតូ ចំនួន ៧២, អត្តសញ្ញាណប័ណ្ណ ចំនួន ១១ ច្បាប់, សំបុត្រកំណើត ចំនួន ០៣ ច្បាប់, ធុងខ្យល់សម្រាប់កឹបផ្លាកលេខ ចំនួន ០១ និងកូនសោមួយចំនួន ។ សូមបញ្ជាក់ថា ក្នុងប្រតិបត្តិការខាងលើនេះ ម្ចាស់ទីតាំងបានគេចខ្លួនបាត់ ។ […]

(ភ្នំពេញ) ៖​ កម្លាំងប៉ុស្តិ៍នគរបាលរដ្ឋបាលអូរឫស្សីទី១ បានឃាត់ខ្លួនជនសង្ស័យ ​ចំនួន ០២ នាក់ ពាក់ព័ន្ធករណីស្លៀក​ដណ្តប់​បែបព្រះពុទ្ធសាសនា និងបទឆបោក ប្រព្រឹត្តនៅចំណុចផ្សារអូរឫស្សី សង្កាត់អូរឫស្សីទី១ ខណ្ឌ៧មករា រាជធានីភ្នំពេញ នៅថ្ងៃទី២០ ខែកុម្ភៈ ឆ្នាំ២០២៤ ។ ជនសង័្សយទាំង ០២ នាក់ ទី១មានឈ្មោះ សៅ ពន្លៃ ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវលំ សង្តាត់កាកាបទី២ ខណ្ឌពោធិ៍សែនជ័យ (មានសារធាតុញៀន) និងទី២ឈ្មោះ ថាន សុខល័ក្ខ ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវលំ សង្កាត់កាកាបទី២ ខណ្ឌពោធិ៍សែនជ័យ (មានសារធាតុញៀន) ។ ដោយឡែក សម្ភារដកហូត គ្រឿងបរិក្ខារបស់ព្រះសង្ឃ ចំនួន ០២ ឈុត, ឆ័ត្រ ០១, ប្រាក់ ចំនួន ២២,០០០ រៀល […]

កម្លាំងជំនាញ នៃនាយកដ្ឋានប្រឆាំងការជួញដូរមនុស្ស និងការពារអនីតិជន ថ្ងៃទី១៤ ខែកុម្ភៈ ឆ្នាំ២០២៤ បានធ្វើការឃាត់ខ្លួនជនសង្ស័យ ០១ នាក់ ឈ្មោះ រ៉ន ចំរើន ហៅអាយ៉ា ភេទស្រី អាយុ ៣២ ឆ្នាំ មុខរបរ អាជីវករអនទ្បាញតាមតេទ្បេក្រាម អាសយដ្ឋានបច្ចុប្បន្ន ផ្ទះជួលលេខ៥ ភូមិទួលពង្រ សង្កាត់ដង្កោ ខណ្ឌដង្កោ រាជធានីភ្នំពេញ ពីបទ ចែកចាយ លក់ជួល ដាក់តាំង បញ្ចាំង ឬបង្ហាញនៅទីសាធារណៈនូវរូបភាព និងសម្ភារៈអាសអាភាសនៃកុមារ ។ បច្ចុប្បន្ន ជនសង្ស័យ ត្រូវបានកម្លាំងជំនាញកងសាងសំណុំរឿង បញ្ជូនទៅអយ្យការសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ ៕